A Anpa Ceip O Couto somos pais e nais que actualmente teñen fillos escolarizados no Ceip O Couto que nos asociamos para conseguir os seguintes obxectivos:
- EXCELENCIA. Colaborar para que o centro camiñe cara a excelencia educativa, tanto na formación académica coma nos valores de solidariedade, respecto á diferenza, cultura do esforzo e creatividade entre o alumnado.
- RESPECTO. Sabemos que calquera aprendizaxe só pode ter lugar nun ambiente alegre e agradable e para iso debemos promover o respecto aos compañeiros, aos mestres e aos materiais.
- CONCILIACIÓN FAMILIAR. Conciliar o horario de traballo e a atención aos fillos non é sinxelo, é por isto que desde fai moitos anos os pais e nais organizamonos para ofrecer actividades extraescolares, comedor escolar e acollida temperá.
- PLURILINGÜÍSMO. Todos queremos o mellor para os nosos cativos e sabemos que poder falar dúas linguas con soltura é unha enorme vantaxe que non podemos desperdiciar. Promoveremos as linguas nas que os nosos fillos e fillas teñen máis dificultades para expresarse oralmente, a día de hoxe galego e inglés.
Asociarse á ANPA
Para asociarse á ANPA é suficiente aboar a cota de 20 € anual por familia na conta:
Caja Rural
ES46 3070 0043 0063 8305 9125
Débese indicar: COTA ANPA Apelidos e Nomes dos fillos.
- Todas as actividades extraescolares, comedor e acollida temperá están organizadas e xestionadas pola ANPA, polo que para participar nelas é requisito imprescindible ser socio ou pagar unha cota de 50 € tal como se aprobou na Asemblea Xeral de xuño de 2010.
- Para os festivais e festas haberá unha cota especial para os que queiran asistir e non sexan socios tal e como se acordou na Asemblea Xeral de socios de xuño de 2011.
Xunta directiva
Comezado o curso 2023/2024 tomamos posesión a actual Xunta directiva da ANPA, composta polos seguintes membros:
- Presidente: Iván Cotano Peña
- Vicepresidenta: Ana Pereira González
- Tesoreira: Paula Estévez González
- Secretaria: Eva Amorín Díaz
- Vogal: Alba Arrebola Muñoz
- Vogal: Jessica González Rodríguez
- Vogal: Rita Campos López
- Vogal: Belén Fernández Lorenzo